საქართველოს პრეზიდენტმა მიხეილ სააკაშვილმა პირველი სექტემბერი
საქართველოს ერთიანობის დღედ გამოაცხადა. ამის შესახებ პრეზიდენტმა
თავისუფლების მოედანზე სიტყვით გამოსვლისას განაცხადა.
`საქართველოს ძალიან უსამართლოდ შემოუტიეს. მათ, ვისაც უნდოდა
თავისუფლება და ერთიანობა, გამოაძევეს საკუთარი სახლებიდან`, - განაცხადა
მან. საქართველოს პრეზიდენტის თქმით, ქალაქებში, სოფლებში, ქუჩებში გაგრძელდება მშვიდობიანი წინააღმდეგობა რუსეთის აგრესიის წინააღმდეგ. `ჩვენი დროშა დღეს მსოფლიოში თავისუფლების სიმბოლოა`, - დასძინა მან.